Агульныя патрабаванні да тэарэтыка-практычных курсавых работ

Date: 2015-10-07; view: 397.

Тэарэтыка-практычнага курсавога праекта

Патрабаванні да напісання

Крытэрыі ацэнкі курсавой работы

Працэдура абароны курсавой работы

Абарона курсавой работы адбываецца ў вызначаны кафедрай тэрмін ў прысутнасці вучэбнай групы, мастацкага кіраўніка курса і навуковых кіраўнікоў.

У ходзе абароны курсавой работы студэнт павінен коратка і дакладна праінфарміраваць прысутных аб актуальнасці і значнасці абранай тэмы, раскрыць прадмет і аб'ект даследавання, мэту і задачы, пазнаёміць прысутных са структурай работы і матэрыяламі, на аснове якіх яна рыхтавалася, зрабіць высновы аб каштоўнасці праведзенай работы.

Пасля абароны ўсім студэнтам групы аб'яўляюцца ацэнкі.

Курсавая работа ацэньваецца па 9-ці бальнай сістэме:

10 – “надзвычай выдатна”

9 – “выдатна”

8 – “амаль выдатна”

7 – “вельмі добра”

6 – “добра”

5 – “амаль добра”

4 – “здавальняюча з +”

3 – “задавальняюча”

2 – “нездавальняюча”

Выкананне курсавых работ па прадмету “Рэжысура” з'яўляецца прамежкавым этапам навучання студэнтаў кафедры тэатральнай творчасці Беларускага дзяржаўнага універсітэта культуры па спецыялізацыі “Народная творчасць” (Тэатральная)” і ўключае ў сябе тры этапы:

· напісанне тэкста курсавой работы;

· пастаноўку ўрыўка з п'есы (практычны);

· абарона курсавой работы (у тым ліку напісанне рэжысёрскага пастановачнага плана спектакля па абранай п'есе ).

Напісанне пісьмовай часткі курсавой работы мае на мэце:

а) замацаванне, пашырэнне і сістэматызацыю практычных уменняў і тэарэтычных ведаў па спецыяльнасці і іх выкарыстанне ў працэсе работы над ўрыўкамі з нацыянальнай і сусветнай драматургіі;

б) развіццё здольнасцей студэнтаў да самастойнай творчай працы і авалоданне асабістым вопытам правядзення творчай і арганізацыйнай дзейнасці;

в) высвятленне прафесійнага ўзроўню падрыхтаванасці студэнтаў да самастойнай творчай, арганізацыйнай і педагагічнай працы да пастаноўкі дыпломнага спектакля і напісання дыпломнай работы.

Курсавая работа – асабістая творча-арганізацыйная дзейнасць студэнтаў, у якой тэатральныя і практычныя веды, набытыя падчас аўдыторных заняткаў, замацоўваюцца ў практычных умовах рэальнага функцыянавання творчага калектыву, цэнтраў эстэтычнага выхавання, навучальных устаноў.

Выбар тэмытэарэтыка-практычнай курсавой работы.

1. Тэмы курсавых работ павінны быць актуальнымі і адпавядаць сучаснаму стану і перспектывам развіцця нацыянальнай тэатральнай культуры, улічваць маральна-эстэтычныя патрабаванні грамадства, несці пэўны ідэйна-мастацкі змест.

2. Пры выбары тэмы мэтазгодна ўлічваць папярэднюю навуковую працу студэнта: курсавыя работы, удзел у кафедральных, агульнаўніверсітэцкіх мерапрыемствах. Пажадана, каб курсавая работа арганічна ўваходзіла ў вытворчыя планы баз практыкі: устаноў культуры і адукацыі, навучальна-эстэтычных цэнтраў, разумна суадносілася з аб'ектыўнымі і суб'ектыўнымі фактарамі арганізацыйна-творчага працэсу.

Падрыхтоўка практычнай часткі курсавой работы

Перад пачаткам работы над курсавым праектам студэнт звяртаецца да навуковага кіраўніка з мэтай узгаднення тэмы, плана, парадку і тэрмінаў падрыхтоўкі (тэарэтычнай часткі) курсавой работы.

У перыяд працы над курсавой работай, студэнт павінен зрабіць:

· Самастойны аналіз п'есы (сусветная і айчынная, класічная і сучасная драматургія, або інсцэніроўкі па творах прозы і паэзіі /у дадзеным выпадку ў дадатку да курсавой работы прыводзіцца і поўны тэкст інсцэніроўкі/)

· абагульніць і сістэматызаваць веды па гісторыі і тэорыі рэжысуры;

· прааналізаваць асабісты працэс фарміравання прафесійных, арганізацыйных і педагагічных навыкаў, метадалагічных падыходаў да вырашэння творчых і выхаваўчых задач.